السلام عليكم ورحمة الله وبركاتة
حبيت اكتب دلوقتى لانى حسيت ان مظلومة
ان فى بعض الناس فهمتنى غلط
وانا بعتذر لكل انسان جرحتة بقصد او من غير قصد ولكل الاديان كمان لو اتكلمت بأسلوب غير لائق وعملت بدون قصد للاسلام وجهة غير مشرفة
بس انا بجد مش دى طبيعتى بس حسيت ساعتها ان الدين الاسلامى اتهان قوى واحنا مش قادرين ندافع عنة
وخايفة من حسابى يوم القيامة على انى مقدرتش اقدم ولا ادافع عن دينى
بس انا ما فيش فى ايدى حاجة اعملها غير الدعوة
وكنت عايزة اقول انى انا فى شغلى ما فيش فرق بين مسلم ومسيحى كلنا اخوة مع بعض ومتحسش ابدا بفرق الاديان
بس مشكلتى انى غيورة قوى على دينى
واخيرا بكرر اعتذارى ويارب كل اللى انا اساءت ليهم يقرو اعتذارى دة
وشكرا
album
الواد العسل دة اسمة ادهم صبرى رجل المستحيل
5 comments:
ربنا قال لكم دينكم و لي ديني
غيرتك علي دينك مش معناها بهدلة الناس و شتيمتهم
و بعدين فين الاهانة اللي الدين اتهانها من ناس بتربي اي نوع من الحيوانات؟؟؟؟؟
و الا هو تلكيك و خلاص
عايزة تثبتي لنفسك انك متدينة فتقومي تشتمي الناس
كفاية قرف و هبالة بقي
خلتو الناس تضحك علينا من هيافتنا يا ام غيرة انتي
على فكرة يا نبض اسكندرية كنت عاوز اقولك بس انك اتهورتى شويى فى كلام عندى على المدونة انا حاسس بشعورك وغيرتك على الدين الاسلامى وانا من النقطة ودا رايك ومتحوليش تغيريه انا عارف ومتاكد انك مش متعصبة بس ياريت متغليش حبك الشديد للدين الاسلامى تجرحى الناس
بس
ومتزعليش نفسك
يا سيدتى أنا فعلا اتصدمت من وصفك لن بابقر و الخنازير و أنا سعيد باءنك تداركتى أنك اندفعتى فى الكلام وأحب أفكرك أن المسيحية أيضا تتعرض أيضا لهجوم عنيف من كثير من الشخصيات الاسلامية فى وسائل الاعلام دون ادنى سند مثل د.زغلول النجار ود.مصطفى محمود و لكن الموضوع مش عافية و تربص بأى شخص و أن هناك مجموعة من القسوس زارت الشيخ الشعراوى أثناء مرضه فى لندن مما كان له عظيم الأثر فى نفسه و هو المعروف بنقده للمسيحية فى التليفزين يا سيدتى القوى هو ألذى يسامح وليس ألذى ينتقم ...الكلام ده أنا كتبته أيضا عند شاب اسكندرانى
شاب اسكندرانى
شكرا ليك على تعليقك وفعلا انا غلطت فى اسلوبى فى الكلام وشكرا ليك انا قدرت تفهم عايزة اقول اية حتى من اسلوبى الغلط
مجهول
انا بعتذر ليك ولكل الاخوة المسيحين فى اللفظ اللى انا اخرجتة فعلا انا كنت غلطانة فى اسلوبى فى الكلام
ودينا العظيم ورسولنا الكريم لم يامرنا بذلك ابدا وفعلا انى عطيت وجهة غير مشرفة للاسلام
اسفة
Post a Comment